ଭୁବନେଶ୍ବର: ପଞ୍ଚାୟତ ନିର୍ବାଚନର ନାମାଙ୍କନ ଦାଖଲ ପ୍ରକ୍ରିୟା ଗଣିତ ଶୁକ୍ରବାର ଶେଷ ହୋଇଛି। ଆଜି ମନୋନୟନ ପତ୍ର ଯାଞ୍ଚ ଏବଂ ୨୫ତାରିଖ ପର୍ଯ୍ୟନ୍ତ ପ୍ରାର୍ଥିପତ୍ର ପ୍ରତ୍ୟାହାର ପ୍ରକ୍ରିୟା ଜାରି ରହିବ। ଏହାରି ଭିତରେ ଦଳୀୟ ପ୍ରତିନିଧି ଓ ଆଶାୟୀଙ୍କ ଭିତରେ କିଣାବିକା ଚାଲିବ। ଏହାବାଦ୍ କେତେକ ଆଶାୟୀ ନିର୍ବାଚନ ଆଚରଣ ବିଧି ଅନୁଯାୟୀ ନାମାଙ୍କନ ଫର୍ମ ପୂରଣ କରି ନଥିବାରୁ ନାକଚ ହେବାର ସମ୍ଭାବନା ରହିଛି। ୨ଲକ୍ଷ ୨୯ହଜାର ୬୨ ଆଶାୟୀ ନିର୍ବାଚନ ମଇଦାନକୁ ଓହ୍ଲାଇଛନ୍ତି।
୧ଲକ୍ଷ ୬୨ହଜାର ୨୯୭ ୱାର୍ଡ ସଭ୍ୟ ରହିଥିବାବେଳେ ୩୪ହଜାର ୬୧୩ ସରପଞ୍ଚ, ୨୮ହଜାର ୧୫୩ ସମିତି ସଭ୍ୟ ଏବଂ ୩୯୯୯ ଜିଲା ପରିଷଦ ଆଶାୟୀ ପ୍ରାର୍ଥୀ ରହିଛନ୍ତି। ତ୍ରିସ୍ତରୀୟ ପଞ୍ଚାୟତ ନିର୍ବାଚନ ଲାଗି ଆଜି ଥିଲା ନାମାଙ୍କନପତ୍ର ଦାଖଲର ଶେଷଦିନ। ଆଜି ୬୫ହଜାର ୮୨୮ ୱାର୍ଡସଭ୍ୟ ନାମାଙ୍କନପତ୍ର ଦାଖଲ କରିଥିବାବେଳେ ୧୪ହଜାର ୭୪ ସରପଞ୍ଚ, ୧୨ହଜାର ୫୧୨ ସମିତି ସଭ୍ୟ ଏବଂ ୨୧୯୧ ଜିଲାପରିଷଦ ଆଶାୟୀ ନାମାଙ୍କନ ପତ୍ର ଦାଖଲ କରିଛନ୍ତି।
Odia