ଟିକାକରଣ ବଢ଼ାଇବାକୁ କେନ୍ଦ୍ରର ପରାମର୍ଶ

0

ନୂଆଦିଲ୍ଲୀ : ଦେଶରେ କରୋନାର ଚତୁର୍ଥ ଲହର ଆରମ୍ଭ ହେବା ନେଇ ଆଶଙ୍କା ପ୍ରକାଶ ପାଇଛି। ଏହି ଆଶଙ୍କାକୁ ନେଇ କେନ୍ଦ୍ର ସରକାରଙ୍କ ପକ୍ଷରୁ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳଗୁଡିକୁ ସତର୍କତା ଜାରି କରାଯାଇଛି। କେନ୍ଦ୍ର ସ୍ବାସ୍ଥ୍ୟ ମନ୍ତ୍ରୀ ମନସୁଖ ମାଣ୍ଡଭୀୟଙ୍କ ଅଧ୍ୟକ୍ଷତାରେ ରାଜ୍ୟ ସ୍ବାସ୍ଥ୍ୟ ମନ୍ତ୍ରୀ ଓ ସ୍ବାସ୍ଥ୍ୟ ଅଧିକାରୀଙ୍କ ସହିତ ଭିଡିଓ କନଫରେନ୍ସିଂ ବୈଠକ ହୋଇଛି। ବୈଠକରେ ମନ୍ତ୍ରୀ ମାଣ୍ଡଭୀୟ କହିଛନ୍ତି ଯେ କରୋନା ମହାମାରୀ ଶେଷ ହୋଇ ନାହିଁ। ତେଣୁ ମହାମାରୀକୁ ନିୟନ୍ତ୍ରଣ ପାଇଁ ପାଳନ କରାଯାଉଥିବା ସତର୍କତାମୂଳକ ପଦକ୍ଷେପ ଯଥା ତୁଣ୍ଡି ବାନ୍ଧିବା, ସାମାଜିକ ଦୂରତା ରକ୍ଷା କରିବାରେ କୌଣସି ପ୍ରକାର ଅବହେଳା କର ନାହିଁ। ମହାମାରୀ ବିରୋଧୀ ପ୍ରତିଷେଧକ ପାଇଁ ଟିକାକରଣ ବଢାଇବାକୁ ରାଜ୍ୟ ସରକାରଗୁଡିକୁ ମନ୍ତ୍ରୀ ପରାମର୍ଶ ଦେଇଛନ୍ତି। ବିଶେଷକରି ବିଦ୍ୟାଳୟରେ ୧୨ରୁ ୧୭ବର୍ଷର ପିଲାଙ୍କୁ ଟିକାକରଣ କରାଇବା ଉପରେ ସେ ଗୁରୁତ୍ବ ଦେଇଛନ୍ତି। ସୋମବାର କ୍ରମାଗତ ତୃତୀୟ ଦିନ ପାଇଁ ୮୦୦୦ରୁ ଅଧିକ ସଂକ୍ରମିତ ଚିହ୍ନଟ ହୋଇଛନ୍ତି। ଗତ ୨୪ ଘଣ୍ଟାରେ ୮୦୮୪ ଚିହ୍ନଟ ହୋଇଥିବାବେଳେ ୧୦ଜଣଙ୍କ ମୃତ୍ୟୁ ହୋଇଛି।

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More