ଦୁବାଇ : ଅନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି) ପକ୍ଷରୁ ପ୍ରକାଶିତ ଟ୍ବେଣ୍ଟି-୨୦ ବ୍ୟାଟିଂ ମାନ୍ୟତାର ଶୀର୍ଷ ସ୍ଥାନ ହାସଲ କରିଛନ୍ତି ଭାରତୀୟ ବ୍ୟାଟସମ୍ୟାନ୍ ସୂର୍ଯ୍ୟ କୁମାର ଯାଦବ। ପାକିସ୍ତାନ ଓପନର୍ ମହମ୍ମଦ ରିଜୱାନ୍ଙ୍କୁ ପଛରେ ପକାଇ ସୂର୍ଯ୍ୟକୁମାର ଶୀର୍ଷ ସ୍ଥାନ ଦଖଲ କରିଛନ୍ତି । ସୂର୍ଯ୍ୟକୁମାର ୮୬୩ ପଏଣ୍ଟ ସହ ଶୀର୍ଷ ସ୍ଥାନରେ ରହିଥିବା ବେଳେ ରିଜୱାନ୍ ୮୪୨ ପଏଣ୍ଟ ସହ ଦ୍ବିତୀୟ ଓ ନ୍ୟୁଜିଲାଣ୍ଡର ଡେଭନ୍ କନୱେ ୭୯୨ ପଏଣ୍ଟ ସହ ତୃତୀୟ ସ୍ଥାନରେ ରହିଛନ୍ତି।
ସୂର୍ଯ୍ୟ କୁମାରଙ୍କ ବ୍ୟତୀତ ରିଲି ରୋଜୋୟୁ ଓ ଗ୍ଲେନ୍ ଫିଲିପ୍ସଙ୍କ ମାନ୍ୟତାରେ ଉନ୍ନତି ଆସିଛି। ବାଂଲାଦେଶ ବିପକ୍ଷରେ ଶତକ ହାସଲ କରିଥିବାରୁ ରୋଜୋୟୁ ୧୭ଟି ସ୍ଥାନ ଉପରକୁ ଉଠି ମାନ୍ୟତାର ୮ନଂରେ ରହିଥିବା ବେଳେ ଶ୍ରୀଲଙ୍କା ବିପକ୍ଷରେ ଶତକ ହାସଲ କରିଥିବାରୁ ଫିଲିପ୍ସ ୫ଟି ସ୍ଥାନ ଉପରକୁ ଉଠି ୭ନଂରେ ରହିଛନ୍ତି। ବୋଲିଂ ମାନ୍ୟତାରେ ଆଫଗାନିସ୍ତାନର ରସିଦ୍ ଖାନ୍ ଶୀର୍ଷ ସ୍ଥାନ ବଜାୟ ରଖିଥିବା ବେଳେ ଶ୍ରୀଲଙ୍କାର ୱାନିଡୁ ହସରଙ୍ଗା ଦ୍ବିତୀୟ ସ୍ଥାନରେ ରହିଛନ୍ତି। ସାମ୍ କରନ୍ ବିଶ୍ବକପ୍ରେ ଭଲ ପ୍ରଦର୍ଶନ କରିଥିବାରୁ ସେ ଶ୍ରେଷ୍ଠ ୧୦ଜଣଙ୍କ ମଧ୍ୟରେ ସ୍ଥାନ ପାଇଛନ୍ତି।
Odia