ଆଜିଠୁ ‘ଅସାନି’ ପ୍ରଭାବରେ ରାଜ୍ୟରେ ବର୍ଷା ସମ୍ଭାବନା |

0

ଭୁବନେଶ୍ୱର: ଆଜିଠୁ ବାତ୍ୟା ‘ଅସାନି’ ପ୍ରଭାବରେ ରାଜ୍ୟରେ ବର୍ଷା ହେବାର ସମ୍ଭାବନା ରହିଛି । ରାଜ୍ୟର ଉପକୂଳବର୍ତ୍ତୀ ଜିଲ୍ଳା ଗୁଡ଼କରେ ଆଜି ସଂଧ୍ୟାରୁ ୧୨ ତାରିଖ ସକାଳ ଯାଏ ବର୍ଷା ହେବାର ସମ୍ଭାବନା ଥିବା ସୂଚନା ଦେଇଛି ଭୁବନେଶ୍ୱର ଆଞ୍ଚଳିକ ପାଣିପାଗ ବିଭାଗ । ବିଭାଗର କହିବା ଅନୁଯାୟୀ ଆଜି ରାଜ୍ୟର ୩ ଜିଲ୍ଲାରେ ବର୍ଷା ହେବ । ଗଞ୍ଜାମ, ଗଜପତି, ଓ ପୁରୀ ଜିଲ୍ଲାରେ ସଂଧ୍ୟାରୁ ‘ଅସାନି’ ପ୍ରଭାବରେ ବର୍ଷା ହେବା ନେଇ କୁହାଯାଇଛି । ସେହିପରି ଆସନ୍ତାକାଲି ମଧ୍ୟ ୫ ଜିଲ୍ଲାରେ ବର୍ଷା ହେବା ନେଇ ସୂଚନା ଦେଇଛି ପାଣିପାଗ ବିଭାଗ । କଟକ, ଜଗତସିଂହପୁର, ପୁରୀ, ଖୋର୍ଦ୍ଧା ଓ ଗଞ୍ଜାମରେ ଆସନ୍ତାକାଲି ବର୍ଷା ହେବ ।

ହେଲେ କୌଣସି ଜିଲ୍ଳାରେ ପବନ ହେବାନେଇ କୁହାଯାଇନାହିଁ । ବର୍ତ୍ତମାନ ବତ୍ୟା ‘ଅସାନି’ ୫କିମି ବେଗରେ ଗତିକରୁଛି । ଗୋପଳପୁର ଠାରୁ ୫୧୦ କିଲୋମିଟରରେ ରହିଛି । ଏଥିଲାଗି ମତ୍ସ୍ୟଜୀବୀ ମାନଙ୍କୁ ସମୁଦ୍ରକୁ ନଯିବାକୁ ବାରଣ କରାଯାଇଥିବା ବେଳେ ଗୋପାଳପୁର ବନ୍ଦର ପାଇଁ ୩ ନମ୍ବର ବିପଦ ସଂକେତ ଜାରି କରିଛି ପାଣିପାଗ ବିଭାଗ । ଏଥି ସହିତ ଧାମରା, ଚନ୍ଦବାଲି ଏବଂ ପାରାଦ୍ୱୀପ ବନ୍ଦର ପାଇଁ ୨ ନମ୍ବର ବିପଦ ସଂକେତ ମଧ୍ୟ ଜାରି ହୋଇଛି । ଏ ନେଇ ଭୁବନେଶ୍ୱର ଆଞ୍ଚଳିକ ପାଣିପାଗ ବିଭାଗ ପକ୍ଷରୁ ସୂଚନା ଦିଆଯାଇଛି ।

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More