ପୁଣି ବଢ଼ିଲା ଅଶୋଧିତ ତୈଳ ଦର

0

ନୂଆଦିଲ୍ଲୀ : ରୁଷ୍‍ରୁ ତୈଳ ଆମଦାନୀ ଉପରେ କଡା କଟକଣା ଲଗାଇବାକୁ ୟୁରୋପୀୟ ରାଷ୍ଟ୍ର ସଂଘ ବିଚାର କରୁଥିବାବେଳେ ଲିବ୍ୟାରୁ ତୈଳ ଯୋଗାଣ ହ୍ରାସ ଯୋଗୁଁ ଅଶୋଧିତ ତୈଳ ବଜାରରେ ଅସ୍ଥିର ଅବସ୍ଥା ଦେଖାଦେଇଛି। ଏହି କାରଣରୁ ଗୁରୁବାର ବ୍ରେଣ୍ଟ କ୍ରୁଡ ମୂଲ୍ୟ ବ୍ୟାରେଲ ପିଛା ୧.୧୧ ଡଲାର ବା ୧% ବୃଦ୍ଧିପାଇ ୧୦୭.୯୧ ଡଲାରରେ ପହଞ୍ଚିଛି । ସେହିଭଳି ୱେଷ୍ଟ ଟେକ୍ସାସ ଇଣ୍ଟରମିଡିଏଟ କ୍ରୁଡ ୮୭ ସେଣ୍ଟ ବୃଦ୍ଧିପାଇ ବ୍ୟାରେଲ ପିଛା ୧୦୩.୦୬ ଡଲାର ହୋଇଛି।
ବିଶେଷଜ୍ଞମାନେ କହିଛନ୍ତି ଯେ ତୈଳ ବଜାରରେ ଅସ୍ଥିର ଅବସ୍ଥା ପୁନଃ ଅଧିକ ପରିଲକ୍ଷିତ ହେବାକୁ ଯାଉଛି। କାରଣ ୟୁରୋପୀୟ ରାଷ୍ଟ୍ରସଂଘ ୟୁକ୍ରେନ୍‍ ଉପରେ ଆକ୍ରମଣକୁ ନେଇ ରୁଷ୍‍ରୁ ତୈଳ ଆମଦାନୀ ଉପରେ ସମ୍ପୂର୍ଣ୍ଣ କଟକଣା ଲାଗୁ ବିଷୟରେ ବିଚାର କରୁଛି। ଓପେକ୍‍ର ସଦସ୍ୟ ଥିବା ଲିବ୍ୟା ବୁଧବାର କହିଥିଲା ଯେ ବିଭିନ୍ନ ତୈଳ କ୍ଷେତ୍ର ଓ ରପ୍ତାନି ଟର୍ମିନାଲଗୁଡିକ ଅବରୋଧ ହୋଇଥିବା କାରଣରୁ ଏହା ଦୈନିକ ପ୍ରାୟ ୫,୫୦,୦୦୦ ବ୍ୟାରେଲ ତୈଳ ଉତ୍ପାଦନ ହରାଉଛି। ଏହି କାରଣକୁ ନେଇ ବିଶ୍ୱର ତୈଳ ବଜାର ଅସ୍ଥିର ଅବସ୍ଥାରେ ରହିଥିବାବେଳେ ଓପେକ୍‍ ଏବଂ ରୁଷ ନେତୃତ୍ୱରେ ପରିଚାଳିତ ତାହାର ମିତ୍ର ରାଷ୍ଟ୍ରଗୁଡିକ ସେମାନଙ୍କର ଉତ୍ପାଦନ ଲକ୍ଷ୍ୟ ହାସଲ କରିପାରୁନାହାନ୍ତି।

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More