ପୁଣି ଶୀର୍ଷ ସ୍ଥାନ ହରାଇଲେ ଏଲୋନ୍ ମସ୍କ

ସବୁଠାରୁ ଧନୀ ବ୍ୟକ୍ତି ଭାବରେ ମୁକୁଟ ପିନ୍ଧିବାର ମାତ୍ର ୪୮ ଘଣ୍ଟା ପରେ ଏଲୋନ୍ ମସ୍କଙ୍କୁ ଶୀର୍ଷ ସ୍ଥାନ ହରାଇବାକୁ ପଡିଛି। ବ୍ଲୁମବର୍ଗ ବିଲିୟନେୟାର ଇଣ୍ଡେକ୍ସ ଅନୁଯାୟୀ ଗୁରୁବାର ଦିନ ତାଙ୍କର ନିଟ୍ ମୂଲ୍ୟରେ ପ୍ରାୟ ୨ ବିଲିୟନ ଡ଼ଲାର ହ୍ରାସ ଘଟି ୧୮୪ ବିଲିୟନ ଡ଼ଲାରରେ ରହିବା ପରେ ସେ ୨ ନମ୍ବରକୁ ଖସି ଆସିଛନ୍ତି। ଏବେ ୧୮୬ ବିଲିୟନ ଡଲାର ସମ୍ପତ୍ତିର ମାଲିକ ତଥା ଏଲଭିଏମଏଚର ମୁଖ୍ୟ ପରିଚାଳନା ନିର୍ଦ୍ଦେଶକ ବର୍ନାର୍ଡ ଆର୍ନାଲ୍ଟ ପ୍ରଥମ ଧନୀ ବ୍ୟକ୍ତି ଓ ଟେସଲାର ମୁଖ୍ୟ ପରିଚାଳନା ନିର୍ଦ୍ଦେଶକ ଏଲୋନ୍ ମସ୍କ ଦ୍ଵିତୀୟ ସ୍ଥାନରେ ରହିଛନ୍ତି।
ମସ୍କ ଆର୍ନାଲ୍ଟକୁ ଶୀର୍ଷ ସ୍ଥାନରୁ ହଟାଇବାର ଦୁଇ ଦିନ ପରେ ଠିକ ଓଲଟା ଘଟିଥିଲା। ଡିସେମ୍ବର ମାସରେ ଟ୍ୱିଟର ଅଧିଗ୍ରହଣ, ଚାଇନାର ଚାହିଦା ମନ୍ଥରତା ଓ ଅନ୍ୟାନ୍ୟ କାରଣ ଯୋଗୁ ନିବେଶ ହ୍ରାସ ଘଟିଥିଲା ଓ ଟେସଲାର ସେୟାର ମୂଲ୍ୟ ୬୫% ହ୍ରାସ ପାଇଥିଲା।

ଗତ ବୁଧବାର ଦିନ ଟେସଲାର ସେୟାର ମୂଲ୍ୟରେ ୧.୪% ହ୍ରାସ ଘଟି ୨୦୨.୭୭ ଡଲାରରେ ସ୍ଥିର ରହିଥିଲା। ବୁଧବାର ଆୟୋଜିତ ଇଭେଣ୍ଟରେ ଟେସଲା ବଜେଟ୍ ଅନୁକୂଳ ବୈଦୁତିକ ଯାନ ଉନ୍ମୋଚନ କରି ନ ଥିବାରୁ ନିବେଶକଙ୍କ ମନୋଭାବରେ ବଡ ପରିବର୍ତ୍ତନ ହୋଇ ନ ପାରେ ବୋଲି ଅନୁମାନ କରାଯାଇଛି। ପୂର୍ବରୁ ମସ୍କ ୨୫ ହଜାର ଡଲାର ମୂଲ୍ୟର ବୈଦୁତିକ ଯାନ ଉନ୍ମୋଚନ କରିବା ନେଇ ଘୋଷଣା କରାଯାଇଥିଲା।