ଟିକ୍‌ଟକ୍‌ ସମେତ ୫୯ଟି ଚାଇନା ମୋବାଇଲ୍‌ ଆପ୍‌କୁ ଭାରତରେ ବ୍ୟାନ୍ ଘୋଷଣା

0

ଆଜି ଭାରତ ପାଇଁ ଚୀନ କୁ ଲାଗିଛି ଶକ୍ତ ଧକ୍କା l ଭାରତ-ଚୀନ ମଧ୍ୟରେ ସୀମା ବିବାଦକୁ ନେଇ ଉତ୍ତେଜନା ଲାଗିରହିଥିବା ବେଳେ ଭାରତ ଚୀନ ଉପରେ ଜୋରଦାର ସାଇବର୍ ଆକ୍ରମଣ କରିଛି । ତଥ୍ୟ ଚୋରି ଅଭିଯୋଗରେ ଟିକ୍‌ଟକ୍‌ ସମେତ ୫୯ଟି ଚାଇନା ମୋବାଇଲ୍‌ ଆପ୍‌କୁ ଭାରତରେ ବ୍ୟାନ୍ ଘୋଷଣା କରାଯାଇଛି ।

ଦେଶର ଏକତା ଓ ସାର୍ବଭୌମତ୍ବ ଏବଂ ସୁରକ୍ଷା ପ୍ରତି ବିପଦ ଥିବାରୁ ଏହି ଆପକୁ ନିଷିଦ୍ଧ ଘୋଷଣା କରିଛନ୍ତି କେନ୍ଦ୍ର ସରକାର । ଗତ କିଛି ବର୍ଷ ମଧ୍ୟରେ ବୈଷୟିକ ପ୍ରଗତି ଏବଂ ଡିଜିଟାଲ୍ ସ୍ପେସରେ ଏକ ପ୍ରାଥମିକ ବଜାର ବିଷୟରେ ଭାରତ ଏକ ଅଗ୍ରଣୀ ଉଦ୍ଭାବକ ଭାବରେ ଉଭା ହୋଇଛି । ଏଥି ସହିତ, ଡାଟା ସୁରକ୍ଷା ସହ ଜଡିତ ତଥା ୧୩୦ କୋଟି ଭାରତୀୟଙ୍କ ଗୋପନୀୟତା ରକ୍ଷା କରିବା ଦିଗରେ ଚିନ୍ତା ପ୍ରକଟ କରିଛନ୍ତି ସରକାର । ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରଣାଳୟ ବିଭିନ୍ନ ଉତ୍ସରୁ ଏ ନେଇ ଅନେକ ଅଭିଯୋଗ ଗ୍ରହଣ କରିଛି । ଯେଉଁଥିରେ ଆଣ୍ଡ୍ରଏଡ୍ ଏବଂ ଆଇଓଏସ୍ ପ୍ଲାଟଫର୍ମରେ ଉପଲବ୍ଧ ମୋବାଇଲ୍ ଆପ୍ ର ଅପବ୍ୟବହାର ବିଷୟରେ ବ୍ୟବହାରକାରୀଙ୍କ ତଥ୍ୟକୁ ଅନଧିକୃତ ଢଙ୍ଗରେ ଭାରତ ବାହାରେ ଥିବା ସର୍ଭରକୁ ପଠାଇବା ପାଇଁ ଅନେକ ରିପୋର୍ଟ ଆସିଥିଲା । ଏହାରି ମଧ୍ୟରେ ତଥ୍ୟଚୋରି ଅଭିଯୋଗରେ ଏବଂ ଭାରତର ଏକତା ଓ ସାର୍ବଭୌମତ୍ବ ଏବଂ ସୁରକ୍ଷା ପ୍ରତି ବିପଦ ଥିବା କାରଣରୁ ଟିକ୍‌ଟକ୍‌ ସମେତ ୫୯ଟି ଚାଇନା ମୋବାଇଲ୍‌ ଆପ୍‌କୁ ଭାରତରେ ନିଷିଦ୍ଧ ଘୋଷଣା କରାଯାଇଛି । ଏସବୁ ସଂଦିଗ୍ଧ ଚାଇନା ଆପ ମଧ୍ୟରେ ରହିଛି ଟିକଟକ ସମତେ 59 ଚୀନ ଆପ୍ l ଏହି ଚୀନ ଆପ୍ ଗୁଡିକ ଜମାରୁ ସୁରକ୍ଷିତ ନୁହଁ ଏବଂ ବ୍ୟକ୍ତିଗତ ତଥ୍ୟ ଚୋରେଇ ଥିବା ଯୋଗୁଁ ଏହାକୁ ସମ୍ପୂର୍ଣ ଭାବେ ଭାରତରେ ବ୍ୟାନ୍ କରାଯାଇଛି l ଭାରତର ଏହି ଡିଜିଟାଲ ଯୁଦ୍ଧ କୁ ସବୁ ମହଲରେ ସ୍ୱାଗତ କରାଯାଉଛି l ଚୀନ କୁ ହାତରେ ନ ମାରି ଭାତରେ ରେ ମାରିବା ଭାରତର ପ୍ରୟାସ ଚୀନ ପାଇଁ ନିଶ୍ଚିତ ଗୋଟେ ବଡ ଧକ୍କା l

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More