ରଥଯାତ୍ରାରେ ବ୍ରେକ୍ : ଭଗବାନ ବନାମ ଜୀବନ

0

କରି କରାଉଥାଏ ମୁହିଁ, ମୋ ବିନା ଅନ୍ୟଗତି ନାହିଁ । ବିଶ୍ୱାସ ରହିଛି ବିଶ୍ୱର ଦେବତା ମହାପ୍ରଭୁ ଜଗଗନ୍ନାଥଙ୍କ ବିନା ଇଚ୍ଛାରେ ପତ୍ରଟିଏ ବି ହେଲେ ନାହିଁ । ଜଗତ କିପରି ଚାଲିବ , ତାହାର ଡ଼ୋରୀ ସେ ଖୋଦ ଧରିଥାଏ ଓ ଚଳାଇଥାଏ । ତା ବିନା ନିର୍ଦ୍ଦେଶରେ କିଛି ବି ଘଟେନାହିଁ । କେତେବେଳେ ସେ ଭକ୍ତଙ୍କୁ ଦର୍ଶନ ଦେବା ପାଇଁ ରଥରେ ଅପେକ୍ଷା କରେ ତ ଅାଉ କେତେବେଳେ ଭକ୍ତ ହାତରୁ ନଡ଼ିଅା ନିଏ । ସେ ଭାବର ଠାକୁର ଓ ଅଭାବର ନାଥ । ତେଣୁ ତାଙ୍କୁ ଉପରେ ମନ୍ତବ୍ୟ ଦେବା ଅବା କିଛି ଲେଖିବା ଅାମ ପରି ମଣିଷମାନଙ୍କ ଦୁଷ୍ଟାମୀ ଛଡ଼ା ଅାଉ କିଛି ନୁହେଁ । କାରଣ ସେ ଶୂନ୍ୟ ଓ ନିରାକାର । ସେ ଦୁଃଖ ଦିଏ ଓ ସୁଖ ବି ଦିଏ । ସେ ସୃଷ୍ଟି ସେ ପୁଣି ସ୍ରଷ୍ଟା । ବର୍ଷକୁ ଥରେ ଜଗତର ନାଥ ଜଗନ୍ନାଥ ଭକ୍ତଙ୍କୁ ଦର୍ଶନ ଦେବା ପାଇଁ ବଡ଼ଦାଣ୍ଡକୁ ଓହ୍ଲାଇଥାଆନ୍ତି । କୋଟିକୋଟି ଅଗଣିତ ଭକ୍ତଙ୍କୁ ଦେଖୀ ସେ ଖୁସି ଓ ଭକ୍ତ ବି । ଯିଏ ଯେମିତି ଚାହେଁ, ମହାପ୍ରଭୁ ତାକୁ ସେମିତି ଦର୍ଶନ ଦିଏ । ଭକ୍ତ ଓ ଭଗବାନଙ୍କ ମିଳନର ସବୁଠାରୁ ବଡ଼ ଦିନ ହେଇଉଛି ଶ୍ରୀଗୁଣ୍ଡୀଚା ଯାତ୍ରା ଓ ବାହୁଡ଼ା ଯାତ୍ରା । ଜାତି,ବର୍ଣ୍ଣ ନିର୍ବିଶେଷରେ ସମେସ୍ତଙ୍କୁ ଦର୍ଶନ ଦେବା ପାଇଁ ମହାପ୍ରଭୁ ରଥାକୁଢ ହୁଅନ୍ତି । ଭାଇ,ଉଉଣୀଙ୍କୁ ସାଙ୍ଗରେ ଧରି ୯ ଦିନର ଯାତ୍ରାକୁ ବାହାରିଅାସନ୍ତିି । ହେଲେ ଏଥର ସେ ଯାତ୍ରାରେ ଲାଗିଛି ବ୍ରେକ୍। ୪୨୫ ବର୍ଷର ଇତିହାସରେ ଯେପରି ୩୨ ଥର ମହାପ୍ରଭୃଙ୍କ ରଥଯାତ୍ରା ଅନୁଷ୍ଠିତ ହୋଇପାରିନାହିଁ ବିଭିନ୍ନ କାରଣରୁ ଏଥର ମଧ୍ୟ ସେପରି ଇତିହାସର ପୁନରାବୃତ୍ତି ହେବାକୁ ଯାଇଛି । କରୋନା ମହାମାରୀ ଭକ୍ତ ଓ ଭଗବାନ ମଧ୍ୟରେ ପାଚେରୀ ଭାବେ ଛିଡ଼ା ହୋଇଛି । ସଂକ୍ରମଣ ଭୟରେ ଏଥର ରଥଯାତ୍ରାକୁ ବନ୍ଦ କରିବା ପାଇଁ ସର୍ବୋଚ୍ଚ ନ୍ୟାୟଳୟ ନିର୍ଦ୍ଦେଶ ଦେଇଛନ୍ତି । ସୁପ୍ରିମକୋର୍ଟର ନିର୍ଦ୍ଦେଶ ଅାସିବା ପରେ ଭାବାବେଗ ସହଳ ଯଡ଼ିତ ମହାପ୍ରଭୁଙ୍କ ରଥଯାତ୍ରାକୁ ନେଇ ଭିନ୍ନଭିନ୍ନ ମତ ପ୍ରକାଶ ପାଇଛି । କୋର୍ଟଙ୍କ ରାୟକୁ ଅନେକ ସ୍ୱାଗତ କରିଥିବା ବେଳେ ଅନେକ ଏହାକୁ ନେଇ ସନ୍ଦେହ ପ୍ରକାଶ କରିଛନ୍ତି । ଏହି ରାୟ ପଛରେ କେତେକ ଭିନ୍ନଭିନ୍ନ ମତ ଦେଇଛନ୍ତି । ହେଲେ ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁସାରେ ଚଳିତ ବର୍ଷ ଯେ ରଥଯାତ୍ରା ହେବ ନାହିଁ ଏକଥା ସ୍ପଷ୍ଟ । ରଥଯାତ୍ରା ବନ୍ଦ ହେବା ପରେ କିଏ କିଏ ଏହାର ପୁନର୍ବିଚାର କରିବାକୁ ମତ ଦେଉଥିବା ବେଳେ କିଏ କିଏ ରାଜ୍ୟ ସରକାର ସୁପ୍ରିମୋକୋର୍ଟରେ ରିଭୁ୍ୟ ପିଟିସନ ଦାୟର କରିବାକୁ ଦାବି କରୁଛନ୍ତି । କୋଟିକୋଟି ଭକ୍ତଙ୍କ ମନ ଭାଙ୍ଗିଛି ସତ , ହେଲେ ଜୀବନ ବଂଚାଇବା ପାଇଁ ଏହା ଯେ ଜଗା ନିର୍ଦ୍ଦେଶ ହୋଇଛି। ତାହା ବି କିଏ କିଏ କହୁଛନ୍ତି । ରଥଯାତ୍ରରେ ୧୦ ରୁ ୨୦ଲକ୍ଷ ଲୋକ ଏକଜୁଟ ହୁଅନ୍ତି । ଭାବର ଠାକୁରଙ୍କୁ ରଥରେ ଦେଖିବା ଓ ରଥଟାଣିବା ପାଇଁ ବ୍ୟାକୁଳ ହୁଅନ୍ତି ଭକ୍ତଗଣ । ବର୍ତ୍ତମାନ କରୋନା ମହାମାରୀ ଯେମିତି ବ୍ୟାପିଛି , ଏହାକୁ ଦୃଷ୍ଟିରେ ରଖି ହୁଏତ ସର୍ବୋଚ୍ଚ ନ୍ୟାୟଳୟ ରଥଯାତ୍ରା ବନ୍ଦ କରିବାକୁ ନିର୍ଦ୍ଦେଶ ଦେବାକୁ ବାଧ୍ୟ ହୋଇଛନ୍ତି । ଯାହା ସୁପ୍ରିମୋ କୋର୍ଟର ମୁଖ୍ୟ ବିଚାରପତି ଅର୍ଡ଼ରରୁ ସ୍ପଷ୍ଟ ଜଣାପଡ଼ୁଛି । ଯେଉଁଠି ପାଇଁ ସୁପ୍ରିମକୋର୍ଟରୁ ମୁଖ୍ୟ ବିଚାରପତି କହିଲେ ପ୍ରଭୃ ଜଗନ୍ନାଥ ଅାମକୁ କ୍ଷମା ଦେବେ ନାହିଁ ଯଦି ଅାମେ ରଥଯାତ୍ରା ପାଇଁ ଅନୁମତି ଦେବୁ । ତେବେ ଏଠି ପ୍ରଶ୍ନ ଉଠୁଛି ଯଦି ରଥ,ପଥ ସବୁ ରେଡ଼ି ତେବେ ରଥଯାତ୍ରାରେ ଅସୁବିଧା କେଉଁଠି ?
ଠିକ । କରୋନା ଏକ ବାହାନା କି ? ରାଜ୍ୟ ସରକାର ଚାହୁନାହାନ୍ତି କି ରଥାଯାତ୍ରା ? ଯଦି ସ୍ନାନଯାତ୍ରା ବିନା ଭକ୍ତରେ ହୋଇପାରିଲା ,ତେବେ ରଥଯାତ୍ରା କାହିକିଁ ହୋଇପାରିବ ନାହିଁ । କାହାକିଁ ପୁରୀକୁ ପୁରା ସିଲ କରି ରଥଯାତ୍ରା କରାଯିବ ନାହିଁ ।ଏସବୁ ପ୍ରଶ୍ନ ସହ ବହୁ ଉତ୍ତର ବି ଅାସୁଛି , ସରକାର କାହିକିଁ ଚାହିବେନି ରଥଯାତ୍ରାକୁ । ଯଦି ଚାହୁନଥିଲେ ତେବେ ଏତେ ତତ୍ପର ହୋଇ ରଥଯାତ୍ରାର ସମସ୍ତ ରୀନିତିନୀତି ଯେମିତି ସଂପନ୍ନ ହେବ ସେ ଅାୟୋଜନ କଣ କରିଥାନ୍ତେ।ମହାପ୍ରଭୁଙ୍କୁ ନେଇ କଣ କିଏ କେବେ ରାଜନୀତି କରିପାରିବେ । ଏପରି ସାହସ କଣ କାହାର ଅଛି ? ଭାବପ୍ରବଣତା ପାଇଁ ଭକ୍ତର ଜୀବନ ଯେମିତି ନଯାଏ ହୁଏତ ତାହାକୁ ଗୁରୁତ୍ୱ ଦିଅାଯାଇଛି । ଶେଷରେ ଏତିକି କୁହାଯାଇପାରେ ଜଗନ୍ନାଥ ହେଉଛନ୍ତି ସର୍ବ ନିୟନ୍ତା , ତାଙ୍କୁ ସବୁ ଜଣା ତେଣୁ ତାଙ୍କ ଯାତ୍ରା ହେବା ଓ ନହେବା ହୁଏତ ତାଙ୍କର ନିଷ୍ପତି ।

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More