ଏବେ ନୁହେଁ ମନ୍ତ୍ରୀମଣ୍ଡଳ ସଂପ୍ରସାରଣ

0

ଭୁବନେଶ୍ୱର : ବେଶ କିଛି ଦିନ ହେବ ଗଣମାଧ୍ୟମରେ ଜୋରଦାର ଚର୍ଚା ହେଉଛି ରାଜ୍ୟ ମନ୍ତ୍ରୀମଣ୍ଡଳର ସଂପ୍ରସାରଣ ହେବ I ଅନେକ ନେତାଙ୍କୁ ବାଦ ଦିଆଯିବ ଆଉ ଟିକେ ନୂଆ ମୁହଁକୁ ନବୀନ ତାଙ୍କ ମନ୍ତ୍ରମଣ୍ଡଳରେ ସାମଲ କରିବେ I ଏପରି ଚର୍ଚା ଜାରି ରହିଛି I ଆଉ ଏହି ଚର୍ଚାକୁ ଏଥିପାଇଁ ଗଣମାଧ୍ୟମ ଆଧାର କରିଛି ଯେହେତୁ ବିଜେଡି ର ସାଙ୍ଗଠନିକ ନବକଳେବର କରାଯାଉଛି ଏବଂ ଅନେକ ନେତାଙ୍କୁ ସାଙ୍ଗଠନିକ ଦାୟିତ୍ୱ ଦିଆଯାଉଛି , ସେଥିପାଇଂ କାଳେ ନବୀନ ମନ୍ତ୍ରୀମଣ୍ଡଳ ସଂପ୍ରସାରଣ କରିବେ I ଗଣମାଧ୍ୟମରେ ଏହି ଚର୍ଚା କେବଳ ଚର୍ଚା ପାଇଁ I କରୋନା ପରି ମହାମାରୀ ସମୟରେ ନବୀନ ମନ୍ତ୍ରୀମଣ୍ଡଳ ସଁପ୍ରସାରଣ କରିବାକଥା ଚିନ୍ତା କରିନଥିବା ବିଜେଡି ଅନ୍ଦର ମହଲରୁ ଖବର ଆସୁଛି I କାରଣ ନବୀନଙ୍କର ଏବେ ପ୍ରଥମ ପ୍ରାଧାନ୍ୟ ହେଉଛି ରାଜ୍ୟରେ ହୁ ହୁ ହୋଇ ବଢୁଥିବା କରୋନା ମାହାରୀ କୁ କିପରି ନିୟନ୍ତ୍ରଣକୁ ଅଣାଯିବ I ସେହି କାମରେ ପୁରା ପ୍ରଶାସନ ଲାଗିଛି I ରାଜ୍ୟରେ ବର୍ତମାନ ପ୍ରତେକ ଦିନ ୫୦୦ରୁ ଅଧିକ ଆକ୍ରାନ୍ତ ଚିହ୍ନଟ ହେଉଛି I ଆଉ ଏହି ସମୟରେ କାହିଁକି ନବୀନ କରୋନା ଚିନ୍ତା ନକରି ମନ୍ତ୍ରୀମଣ୍ଡଳ ସଂପ୍ରାସରଣ କଥା ଚିନ୍ତା କରିବେ , ତାକୁ ନେଇ ରାଜନୈତିକ ସମୀକ୍ଷକମାନେ ମତ ଦେଇଛନ୍ତି I ଏମିତିବି ୨ବର୍ଷ ପୂର୍ବରୁ ନବୀନ ମନ୍ତ୍ରୀମଣ୍ଡଳ ସଂପ୍ରସାରଣ କରିବାର ନଜର ସେତେଟା ନାହିଁ I ତେଣୁ ମନ୍ତ୍ରୀମଣ୍ଡଳ ସଂପ୍ରସାରଣ ନେଇ କେବଳ ଗଣମାଧ୍ୟମରେ ପୂର୍ବ ଆକଳନ ଷ୍ଟୋରି କରାଯାଉଛି I ଦଳୀୟ ସାଙ୍ଗଠନିକ ସ୍ଥିତି ସଜାଡ଼ିବା କାର୍ଯ୍ୟରେ ଲାଗିଛନ୍ତି I ତେଣୁ ଏହି ସମୟରେ ମନ୍ତ୍ରିମଣ୍ଡଳର ସଂପ୍ରାସରଣ ହେବାର କୌଣସି ସୁରାଗ ନାହିଁ ବୋଲି ମଧ୍ୟ ଆଲୋଚନା ହେଉଛି I ଅବଶ୍ୟ ମନ୍ତ୍ରୀମଣ୍ଡଳ ସଂପ୍ରସାରଣ ନେଇ ଯେଉଁ ଚର୍ଚା ହେଉଛି , ସେ ଚର୍ଚା ଏବେ କେବଳ ଚର୍ଚାରେ ରହିଛି I ଯେତେବେଳେ ବିଭିନ୍ନ ଦୁର୍ନୀତି ପ୍ରସଙ୍ଗ ଆସିଥିଲା ସେତେବେଳେ ବି ଅପରୂପ ଭାବେ ମନ୍ତ୍ରୀମଣ୍ଡଳରୁ ବହୁ ମନ୍ତ୍ରୀ ବାଦ ପଡିବେ ସେ ଚର୍ଚା ମଧ୍ୟ ହୋଇଥିଲା I କରୋନା ସମୟରେ କୌଣସି ରାଜନୈତିକ କାର୍ଯ୍ୟକଳାପ ନକରିବା ପାଇଁ ବିଜେଡି ନିଷ୍ପତି ନେଇଛି I ତେଣୁ ଏସବୁକୁ ବିଚାର କଲେ ମନ୍ତ୍ରୀମଣ୍ଡଳ ଅଦଳବଦଳ ଚର୍ଚା କେବଳ ଏକ ଚର୍ଚା ବୋଲି ମନେ ହେଉଥିବା ରାଜନୈତିକ ସମୀକ୍ଷକ ମାନେ କହିଛନ୍ତି I ଅବଶ୍ୟ ମନ୍ତ୍ରୀମଣ୍ଡଳର ଚର୍ଚା ଗଣମାଧ୍ୟମରେ ଏତେ ଜୋରରେ କରାଯାଉଛି ଏବଂ ମଝିରେ ମଝିରେ ଏହାକୁ ନେଇ ବିଜେଡି ନେତାଏ ଯେଉଁ ପ୍ରତିକ୍ରିୟା ରଖୁଛନ୍ତି ତାହା ହୁଏତ ଏହି ଚର୍ଚାକୁ ଖୋରାକ ଦେଇପାରେ ହେଲେ ଯେଉଁ ନେତାଏ ଗଣମାଧ୍ୟମରେ ମତ ରଖୁଛନ୍ତି ତାହା ଏକ ଚିରଚରିତ ମତ I ବିଜେଡି ନେତାଏ କହୁଛନ୍ତି ମନ୍ତ୍ରୀମଣ୍ଡଳ ଅଦଳବଦଳ କରିବା ମୁଖ୍ୟମନ୍ତ୍ରୀଙ୍କ ଇଛାଧିନ ବ୍ୟାପାର I ତେଣୁ ଏକାଥର ସେତେଟା କିଛି ଦମ ନଥିଲା ଭଳି ଜଣାପଡୁଛି I ତେଣୁ ମୋଟାମୋଟି କହିବାକୁ ଗଲେ ଏବେ ମନ୍ତ୍ରୀମଣ୍ଡଳ ସଂପ୍ରସାରଣ ହେବାର ସେତେଟା ଆଭାସ ମିଳୁନାହିଁ ନବୀନଙ୍କର ମିଜାଜ କୁ ଦେଖିଲେ I

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More